കിനാവുകളെന്റെ കൈയില്
നിന്നും പറന്നുപോയി ഇന്ന്
ഇനി നിന്റെ കാലൊച്ചയാണ്
ഞാന് കാത്തിരിക്കുന്നത്.
ഇന്നലെ രാത്രിയിലോര്ത്തു
എന്റെ ഹൃദയവ്യഥകള്
നിനക്ക് പകുത്തു തരേണ്ടായിരുന്നു.
മനസ്സില് നിന്നു വീണുപോയ
അക്ഷരങ്ങള് എനിക്കൊരിക്കലും
തിരിച്ചെടുക്കാനാവുകയില്ല.
അതിനാല് വിദ്വേഷത്തിന്റെ
ഒരു മൊഴി പാറിപ്പറന്നു വന്നാല്
പിന്നെ സൗഭാഗ്യങ്ങളൊന്നും
എനിക്ക് സ്വന്തമല്ല.
നിലാവിനെ അമാവാസിയൊളിപ്പിക്കും
നക്ഷത്രങ്ങള് മിഴിതുറക്കാത്ത
മാനത്തിന്റെ ശാപവചനങ്ങള്ക്കും
മഴയുടെ ആഞ്ഞടികള്ക്കും
ഞാന് ഇരയായിത്തീരും.
കനിവിന്റെ സ്പര്ശങ്ങളും
പ്രണയത്തിന്റെ തിരമാലയുമല്ല
ഞാന് കാത്തിരിക്കുന്നത്.
നിന്റെ ഹൃദയത്തിലെ ഒന്നോ
രണ്ടോ തുള്ളികള് മാത്രം
എനിക്ക് പ്രാണസ്പന്ദനങ്ങളായി.
10 comments:
കനിവിന്റെ സ്പര്ശങ്ങളും
പ്രണയത്തിന്റെ തിരമാലയുമല്ല
ഞാന് കാത്തിരിക്കുന്നത്.
നിന്റെ ഹൃദയത്തിലെ ഒന്നോ
രണ്ടോ തുള്ളികള് മാത്രം
എനിക്ക് പ്രാണസ്പന്ദനങ്ങളായി.
നല്ല വരികള്
Really touching words...
നിന്റെ ഹൃദയത്തിലെ ഒന്നോ
രണ്ടോ തുള്ളികള് മാത്രം
എനിക്ക് പ്രാണസ്പന്ദനങ്ങളായി.
തികച്ചും ഹൃദയസ്പര്ശി.
"കിനാവുകളെന്റെ കൈയില്
നിന്നും പറന്നുപോയി ഇന്ന്"
എഡിറ്റിംഗ് വേണ്ടിയിരുന്നില്ലേ എന്നു തോന്നിയ ഇടങ്ങളിലൊന്ന്...
ആശംസകള്.
ഇന്നലെ രാത്രിയിലോര്ത്തു
എന്റെ ഹൃദയവ്യഥകള്
നിനക്ക് പകുത്തു തരേണ്ടായിരുന്നു
ഭാരം ഇറങ്ങിയ ഒരു രാത്രിയുടെ തിരിച്ചു പറയലുകള് എതിര് അഭിപ്രായം ഇവിടെ രേഖപെടുത്തുന്നു ഭാരം ഇറങ്ങുന്നത് നല്ലതാണ്
മനസ്സില് നിന്നു വീണുപോയ
അക്ഷരങ്ങള് എനിക്കൊരിക്കലും
തിരിച്ചെടുക്കാനാവുകയില്ല.
നന്നായിട്ടുണ്ട്.
മഹാസമുദ്രത്തിൽ മഴത്തുള്ളിതിരയുന്നപോലെ ല്ലേ?
നല്ല വരികള്,ഒതുക്കമുള്ള കവിത
കൈവെള്ള സന്ദര്ശിച്ചവര്ക്കും
അഭിപ്രായം രേഖപ്പെടുത്തിയ
എല്ലാവര്ക്കും നന്ദി
kavithagunamundu..theercha.
mirsa
Post a Comment