Monday, August 17, 2009

കലണ്ടര്‍

മാസത്തിലെ എല്ലാ
പതിനഞ്ചാം തിയ്യതിയും
നീ പടിയിറങ്ങിപ്പോയ
ദിവസത്തിന്‍റെ
അളവുകോലായി മാത്രം
കലണ്ടറില്‍ അവശേഷിക്കുന്നു.
ജീവിതത്തിലെ
മഞ്ഞുമലകളെയെല്ലാം
ഉരുക്കാന്‍ കെല്പുള്ള
ഒരു വരി
കരുണാര്‍ദ്രമായ
ഒരു നോട്ടമകലെ നിന്നെങ്കിലും

പഴയ നോട്ടുപുസ്തകത്തിലെ
താളുകളിലെന്നോ
ആരുമറിയാതെ നീയെഴുതിയ
രണ്ടു വരി കവിത
ഇന്ന് തികച്ചും
യാദൃച്ഛികമായി കണ്ടു ഞാന്‍
പ്രണയവും ആര്‍ദ്രതയും
കടലിന്‍റെ ആഴത്തോളമെന്നെ
കൊണ്ടുപോയ രണ്ടേ
രണ്ടു
വരികള്‍.

പക്ഷെ കര്‍ക്കടകം
കലിത്തുള്ളുന്ന ദിനങ്ങളില്‍
നിന്നെയോര്‍ക്കാനെനിക്ക്
ഈ വരികള്‍ മതിയാവുകയില്ല.

13 comments:

Unknown said...

അവസാനത്തെ വരികള്‍ എത്തി നില്‍ക്കുന്ന കൈ നീട്ടല്‍ ഒരു നീറ്റലുണ്ടാക്കുന്നു.

നന്നായി...

Unknown said...

പക്ഷെ കര്‍ക്കടകം
കലിത്തുള്ളുന്ന ദിനങ്ങളില്‍
നിന്നെയോര്‍ക്കാനെനിക്ക്
ഈ വരികള്‍ മതിയാവുകയില്ല

Faizal Kondotty said...

nice ..

lijeesh k said...

നന്നായിരിക്കുന്നു.
ആശംസകള്‍...!!

Junaiths said...

പ്രണയത്തിന്റെ,ജീവിതത്തിന്റെ തീക്ഷ്ണത അളക്കുന്ന രണ്ടു വരികള്‍...

Anil cheleri kumaran said...

വിരഹത്തിന്റെ അത്രമേലാർദ്രമാം മൊഴി മുത്തുകൾ.

Sureshkumar Punjhayil said...

Ormakku athum adhikam thanne...!

Manoharamayirikkunnu.... Ashamsakal...!!!!

Unknown said...

പക്ഷെ കര്‍ക്കടകം
കലിത്തുള്ളുന്ന ദിനങ്ങളില്‍
നിന്നെയോര്‍ക്കാനെനിക്ക്
ഈ വരികള്‍ മതിയാവുകയില്ല.

എന്ത് മനോഹരം

Vinodkumar Thallasseri said...

പക്ഷെ കര്‍ക്കടകം
കലിത്തുള്ളുന്ന ദിനങ്ങളില്‍
നിന്നെയോര്‍ക്കാനെനിക്ക്
ഈ വരികള്‍ മതിയാവുകയില്ല.

ഇതില്‍ കവിതയുണ്ട്‌.

Steephen George said...

vayichu..!!
panikkaran.blogspot.com .. ivide njan undu

mary lilly said...

കൈവെള്ള സന്ദര്‍ശിച്ച എല്ലാവര്‍ക്കും നന്ദി

Anonymous said...

വീണ്ടുവിചാരങ്ങള്‍ക്ക്
തയ്യാറെടുത്ത
ഒരു പച്ചമരമായിരിക്കും.....

Anonymous said...

വീണ്ടുവിചാരങ്ങള്‍ക്ക്
തയ്യാറെടുത്ത
ഒരു പച്ചമരമായിരിക്കും.